Landslið kvenna í handknattleik, skipað leikmönnum 20 ára og yngri, kom til Skopje í Norður Makedóníu rétt eftir hádegið í dag. Eftir að hafa komið sér fyrir hóteli í borginni dreif hópurinn sig út undir bert loft og tók létta æfingu til að ná úr sér ferðastrengjunum, að sögn Jóhanns Inga Guðmundssonar markvarðaþjálfara. Framundan eru þrír æfingaleikir á föstudag, laugardag og á sunnudag. Heimsmeistaramótið hefst á miðvikudaginn eftir viku.
Rjómablíða er í Skopje. Rúmlega 35 gráðu hiti og steikjandi sól tók á móti leikmönnum liðsins. Enginn saknar norðannæðingsins, enn sem komið er.
Allur farangur landsliðsins, sem er all nokkur, skilað sér með hópnum til Skopje öllum til mikillar gleði. Mörgum er eflaust í fersku minni þegar farangur U19 ára landsliðs kvenna var skilinn eftir á miðri leið til Rúmeníu í fyrra og kaupa varð nauðsynlegan æfingafatnað til að brúa bilið.
![](https://handbolti.is/wp-content/uploads/2024/06/2f326b16-b76b-44ea-9533-1c21eb5f7b67-473x1024.jpeg)
![](https://handbolti.is/wp-content/uploads/2024/06/fb7d933d-d4d2-49a2-abeb-e204795b7bae.jpeg)
![](https://handbolti.is/wp-content/uploads/2024/06/a3fe0893-bbff-44cc-ac28-15099b5830b5-473x1024.jpeg)
![](https://handbolti.is/wp-content/uploads/2024/06/cecd5bcc-825d-435c-81f8-4cff2d1057f9-473x1024.jpeg)
![](https://handbolti.is/wp-content/uploads/2024/06/f97cc622-25f5-437c-8f8f-230d375230d4-576x1024.jpeg)
![](https://handbolti.is/wp-content/uploads/2024/06/2469c10c-f748-48ad-ae08-d98c9454384b-473x1024.jpeg)
![](https://handbolti.is/wp-content/uploads/2024/06/8d3c834b-95ec-4d65-9a41-d9df9d8188a9-473x1024.jpeg)
![](https://handbolti.is/wp-content/uploads/2024/06/5af859bb-309a-4401-99bd-fecaa6dc1640-715x1024.jpeg)
![](https://handbolti.is/wp-content/uploads/2024/06/8b4e1321-1a12-49a4-b565-dd489f5d1e0e-473x1024.jpeg)
Á morgun hefst formlegur undirbúningur með hefðbundinni handboltaæfingu. Fyrsti æfingaleikurinn í Skopje verður við landslið Chile á föstudaginn.
Hér fyrir ofan eru nokkrar myndir sem Guðríður Guðjónsdóttir yfirfararstjóri smellti á úti æfingunni þegar ferðastrengirnir voru sendir veg allrar veraldar.
Sjá einnig:
Landsliðið er farið til Skopje – æfingamót og síðan HM