- Auglýsing -
Valur varð bikarmeistari í meistaraflokki kvenna í áttunda sinn í gær þegar lið félagsins lagði Fram í úrslitaleik Coca Cola-bikarsins á Ásvöllum, 25:19. Valur hefur þar með jafnað metin við Stjörnuna sem einnig hefur orðið bikarmeistari átta sinnum í kvennaflokki. Fram er sigursælasta félag bikarkeppninnar í kvennaflokki. Fram hefur sextán sinnum hreppt bikarinn, síðasta 2020.
Jói Long ljósmyndari fylgdist með leiknum og sendi handbolta.is margar myndir frá úrslitaleiknum. Hluti þeirra birtist hér fyrir neðan um leið og Jóa er þakkað kærlega fyrir hjálpina en hann hefur verið einn traustra velunnara handbolta.is frá fyrsta degi.
- Auglýsing -
