- Auglýsing -
Tobias Grøndahl, leikmaður Füchse Berlín, talar ekki undir rós þegar hann er spurður út í fjárhagsvandræði norska Íslendingaliðsins Kolstad. Norðmaðurinn Grøndahl lék um fimm ára skeið með erkifjendum Kolstad í Elverum.
„Hjarta mitt slær fyrir Elverum og satt að segja myndi ég elska að sjá þetta allt saman hrynja [hjá Kolstad] og að Elverum vinni allt heila klabbið,“ sagði Grøndahl í samtali við þýska miðilinn Handball World.
Sigvaldi Björn Guðjónsson er fyrirliði Kolstad auk þess sem Benedikt Gunnar Óskarsson og Sigurjón Guðmundsson leika með liðinu.
Kolstad á í miklum fjárhagskröggum og hefur nýverið þurft að selja og leysa nokkra lykilmenn undan samningi, auk þess sem aðrir lykilmenn hafa verið beðnir um að taka á sig launalækkun.
- Auglýsing -
