Samvinna Gísla Þorgeirs Kristjánssonar og Ómars Inga Magnússonar tryggði Magdeburg sigur í heimsmeistarakeppni félagsliða Dammam í Sádi Arabíu í kvöld. Gísli Þorgeir lék vörn Evrópumeistara Barcelona svo grátt að leiðin var greið fyrir Ómar Inga til að skora 41. mark liðsins og innsigla tveggja marka sigur þegar 20 sekúndur voru eftir af framlengingu. Lokatölur, 41:39.
Ómar Ingi skoraði 12 mörk í leiknum og Gísli Þorgeir sex auk átta stoðsendinga. Ómar Ingi gaf fimm stoðsendingar. Hann lék allar 70 mínútur leiksins.
Myndskeið af síðasta markinu í leiknum:
SC Magdeburg 41-39 FC Barcelona (EO)
— Rasmus Boysen (@RasmusBoysen92) October 23, 2022
Magdeburg wins the IHF Super Globe for the second year in a row as the only 4th club in the history after Ciudad Real, FC Barcelona and Füchse Berlin.#handball pic.twitter.com/0uuL9JraOy
Þetta er annað árið í röð sem Magdeburg vinnur keppnina og eins og á síðasta ári léku íslensku handknattleiksmennirnir stórt hlutverk.
Verðlaunafé: 1. sæti - Magdeburg, 400.000 dollarar, 58 m.kr. 2. sæti - Barcelona, 200.000 dollarar, 29 m. kr. 3. sæti - Kielce, 150.000 dollarar, 21,7 m. kr.
Magdeburg var með fjögurra marka forskot að loknum fyrri hálfleik, 21:17. Barcelonaliðið náði að snúa við taflinu í síðari hálfleik með þeim afleiðingum af jafnt var, 35:35, þegar 60 mínútur voru liðnar.
Haukur fékk bronsverðlaun
Haukur Þrastarson lék í 25 mínútur með Łomża Industria Kielce þegar liðið vann Al Ahly Sporting Club frá Egyptalandi, 35:26, í viðureign um bronsverðlaun mótsins í dag. Haukar skoraði eitt mark og átti þrjár stoðsendingar.
