Myndskeið: Landin er betri en pabbi

- Auglýsing -

Aston, sonur Andreas Palicka markvarðar Evrópumeistara Svía í handknattleik karla, hefur slegið í gegn eftir að hann stríddi föður sínum í samtali við sænska sjónvarpsstöð þegar faðir hans kom heim sem nýkrýndur Evrópumeistari í gær.

Aston sagði danska landsliðsmarkvörðinn Niklas Landin vera besta markvörð heims. Pabbinn væri númer tvö.

Þetta sagði Aston með bros á vör þegar rætt var við þá feðga eftir að sá eldri kom heim með gullverðlaun í gær eftir sigur sænska landsliðsins á Evrópumótinu á sunnudagskvöld.

Aston lét ekki þar við sitja heldur sagði hann föður sinn alltaf bara koma heim með silfur- eða bronsverðlaun. Faðirnn var fljótur að veifa gullverðlaunapeningnum til að sanna að gullið væri með í farteskinu að þessu sinni.

Sjá nánar nánar í þessu skemmtilega myndskeiði hér fyrir neðan.