- Auglýsing -
Haukar komust í átta liða úrslit Poweadebikarsins í handknattleik karla í gærkvöld eftir sigur á Val eftir hefðbundinn leiktíma, tvær framlengingar, vítakeppni og bráðabana vítakeppni á Ásvöllum, 39:38. Um var að ræða einn mest spennandi leik hér á landi og árabil þar sem leikmenn skildu allt eftir á keppnisvellinum.
Jón Ómar Gíslason, sem kom til Hauka í sumar, skoraði sigurmarkið í bráðabana vítakeppni meðan samherji hans, Aron Rafn Eðvarðsson, sem ákvað að taka fram skóna á ný í ágúst, varði síðasta vítakast Valsmann. Þannig kórónaði Aron Rafn stórleik sinn.
Hér fyrir neðan er mynskeið RÚV frá vítakeppninni á Ásvöllum í gær í lokin á hálfrar þriggja stundar viðureignar.
Aron Rafn og Jón Ómar innsigluðu sigurinn í maraþonleik á Ásvöllum
Afturelding, FH, Fjölnir, Fram, Haukar, HK, ÍR og KA eiga sæti í átta liða úrslitum Poweradebikarsins í handknattleik karla.
- Auglýsing -
