Athygli vakti í viðureign Fram og Hauka í 4. umferð Olísdeildar karla að stjórnleysi virtist ríkja í skiptingum manna inn og út af leikvellinum. „Hvað var í gangi?“ spurði Hörður Magnússon umsjónarmaður Handboltahallarinnar sérfræðingana Einar Inga Hrafnsson og Vignir Stefánsson.
„Þeir spila í yfirtölu sjö á móti fimm. Strákarnir hans Gunna eru bara ennþá að læra. Í tvígang kom Haukamaður of snemma inná,“ sagði Vignir.
„Í bæði skiptin var það Ólafur Ægir. Hann fékk tvisvar sinnum tvær mínútur vegna skiptinga. Það þarf bara betri stýringu á bekkinn hjá Haukum,“ sagði Einar Ingi og undirstrikaði að einföld mistök af þessu tagi geti verið dýr.
Handboltahöllin er vikulegur þáttur um handbolta karla og kvenna og er á dagskrá sjónvarps Símans á mánudagskvöldum klukkan 20.10. Umsjónarmaður er Hörður Magnússon.
