U17 ára landslið Íslands vann annan öruggan sigur á færeyskum jafnöldrum sínum í dag þegar leikið var við Streyminn. Lokatölur, 29:20, fyrir íslenska liðinu sem var 10 mörkum yfir í hálfleik, 17:7.
Í gær unnu íslensku stúlkurnar með sex marka mun, 32:26, þegar leikið var í Vestmanna.
Yfirburðir íslenska liðsins voru talsverðir í leiknum í dag.
Leikirnir Færeyjum voru undirbúningur fyrir lokakeppni EM sem fram fer í Svartfjallalandi í næsta mánuði.
Mörk Íslands: Agnes Lilja Styrmisdóttir 6, Ebba Guðríður Ægisdóttir 6, Tinna Ósk Gunnarsdóttir 6, Laufey Helga Óskarsdóttir 3, Valgerður Elín Snorradóttir 3, Alba Mist Gunnarsdóttir 2, Eva Steinsen Jónsdóttir 1, Eva Lind Tyrfngsdóttir 1, Guðrún Ólafía Marinósdóttir 1.
17 og 19 ára landsliðin unnu í Færeyjum
