Íslenskir handknattleiksmenn koma við sögu hjá fimm af 24 liðum sem taka þátt í riðlakeppni Evrópudeildar karla í vetur. SC Magdeburg, TBV Lemgo, PAUC Handball, GOG Håndbold og Kadetten Schaffhausen.
Eftir að undankeppninni lauk í gærkvöld liggja fyrir heiti þeirra 24 liða verða í skálunum í fyrramálið þegar dregið verður í sex riðla keppninnar.
Tólf lið sátu yfir í undankeppninni. Þau eru:
SC Magdeburg (Þýskalandi) sem Gísli Þorgeir Kristjánsson og Ómari Ingi Magnússon leika með með. Magdeburg vann keppnina í vor.
HBC Nantes (Frakklandi), Bidasoa Irun (Spáni), Grundfos Tatabanya (Ungverjalandi), IK Sävehof (Svíþjóð), RK Eurofarm Pelister (Norður Makedóníu), Pfadi Winterthur (Sviss), Chekhovskie Medvedi (Rússlandi), RK Gorenje Velenje (Slóveníu), AEK Aþena (Grikklandi), Tatran Presov (Slóvakíu), Riihimäki Cocks (Finnlandi).
Liðin tólf sem komust heilu og höldnu í gegnum undankeppnina sem lauk í gærkvöld:
RK Nexe (Króatíu), USAM Nimes (Frakklandi), SL Benfica (Portúgal), TBV Lemgo (Þýskalandi) sem Bjarki Már Elísson leikur með, CB Ciudad de Logrono (Spáni), Fenix Toulouse (Frakklandi), Füchse Berlin (Þýskalandi), PAUC Handball (Frakklandi) sem Kristján Örn Kristjánsson leikur með, GOG (Danmörku) sem Viktor Gísli Hallgrímsson leikur með, Kadetten Schaffhausen (Sviss) sem Aðalsteinn Eyjólfsson þjálfar, Orlen Wisla Plock (Póllandi), Sporting CP (Portúgal).
