Þorbjörg Jóhanna Gunnarsdóttir, liðsstjóri kvennalandsliðsins í handknattleik hefur ákveðið að hætta eftir tveggja áratuga starf með landsliðinu. Á vef RÚV er greint frá að Obba, eins og hún er alltaf kölluð, hafi tilkynnti leikmönnum íslenska landsliðsins ákvörðun sína eftir lokaleik Íslands á heimsmeistaramótinu í Þýskalandi við Færeyjar í gærkvöld.
Obba hefur fylgt kvennalandsliðinu nærri því hvert fótmál síðan í desember 2005 er hún fór í fyrstu ferðina til Póllands.
Landsleikirnir eru að a.m.k. 200 eftir því sem Obba segir í viðtalinu við RÚV. Hún hefur fylgt landsliðinu á þrjú heimsmeistaramót og tvö Evrópumót. Obba fór ekki á EM fyrir ári af fjölskylduástæðum.
Fram kemur í fyrrgreindu viðtali RÚV að Hrafnhildur Ósk Skúladóttir, leikja- og markahæsta landsliðskona Íslands frá upphafi, verði liðsstjóri í stað Obbu. Hrafnhildur Ósk vann við hlið Obbu á HM 2025.
Hætt sem liðsstjóri eftir 20 ára starf og einbeitir sér að því að vera amma
