Átta liða úrslit í handknattleikskeppni karla á Ólympíuleikunum í Tókýó hefjast skömmu eftir miðnætti og lýkur upp úr hádegi á morgun. Aron Kristjánsson og lærisveinar hans í landsliði Barein ríða á vaðið klukkan hálf eitt eftir miðnætti þegar flautað verður til viðureignar þeirra við Frakka. Eftir það rekur hver leikurinn annan.
Þrír leikir verða sýndir á rásum RÚV eftir því sem næst verður komist. Að minnsta kosti sjást ekki merki þess í dagskrá RÚV að leikur Frakka og Bareina verði á dagskrá. Þeir sem hafa keypt aðgang að Eurosport eiga þess kost að sjá alla leikina.
Kl. 00.30 Frakkland – Barein.
Kl. 04.15 Svíþjóð – Spánn – RÚV.
Kl. 08.00 Danmörk – Noregur – RÚV2.
Kl. 11.45 Þýskaland – Egyptaland – RÚV.
Undanúrslit 5. ágúst:
Frakkland/Barein – Þýskaland/Egyptaland.
Svíþjóð/Spánn – Danmörk/Noregur.
