- Auglýsing -
Ómar Ingi Magnússon fór hamförum í Lemgo í dag þegar hann sótti liðið heim með samherjum sínum í Magdeburg. Ómar Ingi skoraði 15 mörk í 21 skoti og átti níu stoðsendingar að auki í 19 marka sigri Magdeburg, 44:25. Ómar Ingi skoraði sex mörk úr vítaköstum og var með fullkomna nýtingu.
Gísli Þorgeir Kristjánsson skoraði þrjú mörk fyrir Magdeburg og átti þrjár stoðsendingar.
Bjarki Már Elísson, sem skoraði 15 mörk í Evrópuleik við Nantes á dögunum, skoraði sjö mörk fyrir Lemgo í dag, þar af voru þrjú úr vítaköstum. Hann var eins og oft áður markahæsti leikmaður Lemgo sem fékk ekkert við ráðið að þessu sinni.
Magdeburg var með níu marka forskot að loknum fyrri hálfleik, 20:11. Liðið er lang efst í þýsku 1. deildinni, með 40 stig eftir 21 leik.
Absolutely insane stats by Omar Ingi Magnusson today. So close to a double-double. 15/21 (6/6) goals and 9 assists. Magical!#handball https://t.co/dUUo8AItyJ pic.twitter.com/43GgXMDtWO
— Rasmus Boysen (@RasmusBoysen92) February 27, 2022
- Auglýsing -
