Örfáir sjálfboðaliðar kveðja Alfreð og lærisveina fyrir EM

Engum áhorfendum verður hleypt inn í keppishallirnar í Mannheim og Wetzlar þegar þýska landsliðið í handknattleik karla, undir stjórn Alfreðs Gíslasonar, leikur tvo vináttuleiki áður en það heldur til þátttöku á Evrópumeistaramótinu sem hefst í Ungverjalandi og Slóvakíu 13. janúar.

Þýska handknattleikssambandið hefur tilkynnt þess ákvörðun sína eftir að hafa ráðfært sig við sóttvarnayfirvöld í þeim sambandsríkjum, Baden-Württemberg og Hesse þar sem leikirnir eiga að fara fram. Hröð útbreiðsla ómíkron afbrigðis kórónuveirunnar setur áhorfendum og miðasöluy stólinn fyrir dyrnar að þessu sinni.

Öfáum sjálfboðaliðum verður boðið á leikina og verður tekið mið af þeim ströngu samkomutakmörkunum sem gilda í ríkjunum.