Orri Freyr Þorkelsson átti stórleik í gærkvöld þegar meistarar Sporting unnu erkiféndur sína í FC porto, 30:29, í viðureign liðanna í portúgölsku úrvalsdeildinni í handknattleik. Leikið var í höfuðborginni, á heimavelli Sporting Lissabon.
Orri Freyr skoraði 10 mörk í 11 skotum, átta marka sinna skoraði hann úr vítaköstum. Martím Costa var næstur á eftir Orra Frey með sex mörk.
Þorsteinn Leó Gunnarsson skoraði fjögur mörk í sjö skotum fyrir FC Porto og var næst markahæstur á eftir Ricardo Brandão og António Martinez.
Stiven á sigurbraut
Stiven Tobar Valencia átti einnig góðan leik þegar lið hans, Benfica, vann Póvoa AC, 38:33, á útivelli. Stiven skoraði fimm mörk í sex skotum.
Sporting Lissabon er efst með 12 stig eftir fjóra leiki. Porto og Benfica er næst á eftir ásamt Águas Santas með 10 stig.
Stöðuna í portúgölsku úrvalsdeildinni og í fleiri deildum evrópsks handknattleiks er að finna hér.
