Þorsteinn Leó Gunnarsson og liðsfélagar í FC Porto færðust upp í efsta sæti efstu deildar potúgalska handknattleiksins í gær með öruggum sigri á CF OS Belenenses, 41:34. Þorsteinn Leó skoraði þrjú mörk.
Porto hefur þrjá vinninga eftir þrjár viðureignir eins og Aguas Santas. Orri Freyr Þorkelsson og liðsmenn meistaraliðsins Sporting bætast í hóp efstu liðanna vinni þeir ABC de Braga síðdegis í dag.
Stiven Tobar Valencia var næst markahæstur hjá Benfica með sjö mörk í öðrum sigri liðsins í röð í deildinni í gær. Benfica lagði FC Gaia/Empril, 45:34, í Lissabon og hefur þar með unnið tvær viðureignir en tapað einni á upphafsvikum portúgölsku efstu deildarinnar.
Stöðuna í mörgum deildum evrópsks handknattleiks þar sem Íslendingar koma við sögu er að finna hér.
