ÍBV og Donbas frá Úkraínu mættust öðru sinni í Evrópubikarkeppni karla í handknattleik í Vestmannaeyjum og öðru sinni vann ÍBV örugglega, að þessu sinni með 25 marka mun, 45:20, og samanlagt 81:46.
Tuttugu og fimm marka munur segir allt sem segja þarf. Leikurinn var aldrei spennandi. ÍBV liðið vann vel í vörninni og leikmenn Donbas voru í vanda í hverri sókninni á fætur annarri. Markahæstu menn þeirra voru Zaiets með 4 mörk og Bespalov með 3 mörk. Flestir leikmenn ÍBV-liðsins komu við sögu í leiknum. Markmennirnir skiptu leiknum á milli sín og Esra stóð sig vel í seinni hálfleik með ungum og upprennandi Eyjamönnum í vörn og sókn í sama hálfleik.
Mörk ÍBV: Svanur Páll Ísfeld Vilhjálmsson 6, Gabriel Martinez Róbertsson 6, Arnór Viðarsson 6, Sveinn José Rivera 6, Breki Þór Óðinsson 4, Elmar Erlingsson 4, Danjal Ragnarsson 3, Ívar Bessi Viðarsson3, Rúnar Kárason 2, Dagur Arnarsson 2, Janus Dam Djurhuus 2, Kári Kristján Kristjánsson 1 úr víti.
Varin skot: Petar Jokanovic 11 skot, 57,9% Jóhannes Esra Ingólfsson 7 skot, 36, 7%
Handbolti.is fylgdist með leiknum í textalýsingu hér fyrir neðan.
