- Auglýsing -
Óhætt er að segja að landsliðsmarkvörðurinn Viktor Gísli Hallgrímsson hafi fengið draumabyrjun með nýjum samherjum í gær þegar lið hans, Nantes, vann meistarakeppnina í Frakklandi. Viktor Gísli og félagar unnu stórlið PSG með fjögurra marka mun, 37:33, eftir að hafa verið undir, 19:17, að loknum fyrri hálfleik.
Viktor Gísli gekk til liðs við Nantes í sumar eftir þriggja ára veru hjá danska meistaraliðinu GOG.
Þetta er fyrsti sigur Nantes á PSG í fjögur ár og víst er að sigurinn var sannfærandi þar sem Nantes lék frábærlega, ekki síst í síðari hálfleik.
Varnarleikur jafnt sem sóknarleikur þótti frábær. Úrslitin er sögð gefa góðar vonir um að spennandi keppnistímabil standi fyrir dyrum í frönsku 1. deildinni en PSG hefur borið ægishjálm yfir önnur lið síðustu árin. Til að mynda vann PSG alla leikina í deildinni á síðasta keppnistímabili.
Því miður er harla litla upplýsingar að hafa um tölfræði frá leiknum í gær og verður að sinni að láta nægja meðfylgjandi myndskeið af fögnuðu Viktors Gísla og samherja þegar þeir höfðu tekið á móti sigurlaununum.
- Auglýsing -
