U19 ára landslið karla í handknattleik fór til Þýskalands í morgunsárið til þátttöku á Sparkassen cup handknattleiksmótinu sem haldið er í 34. sinn í Merzig. Æfingar hafa staðið nánast sleitulaust hjá íslensku piltunum frá 17. desember undir styrkri stjórn Heimis Ríkarðssonar og Einars Jónssonar.
Íslensk landslið hafa í gegnum tíðina margoft tekið þátt í Sparkassen cup og hefur þátttakan oft verið upptaktur fyrir verkefni sumarsins.
Átta lið taka þátt í Sparkassen cup að þessu sinni. Þeim hefur verið skipt niður í tvo riðla:
A-riðill: Ísland, úrvalslið Sarlands, Sviss, Egyptaland.
B-riðill: Þýskaland, Holland, Norður Makedónía, Austurríki.
Hægt verður að fylgjast með útsendingum frá leikjum mótsins gegn vægu gjaldi á eftirfarandi slóð:
https://solidsport.com/sparkassencup-merzig
Fyrsti leikur íslenska liðsins verður á morgun, 27. desember, klukkan 16.10 gegn Egyptum. Daginn eftir verður leikið við landslið Sviss og þar á eftir gegn úrvalsliði Sarlands. Á fimmtudaginn fer fram krossspil á milli riðla og leikið um sæti í framhaldinu. Piltarnir munu ekki slá slöku við næstu dag. Heim kemur hópurinn 30. desember.
U19 ára landslið Íslands
Markverðir:
Breki Hrafn Árnason, Fram.
Ísak Steinsson, Fold HK.
Aðrir leikmenn:
Atli Steinn Arnarsson, FH.
Birkir Snær Steinsson, Haukum.
Daníel Örn Guðmundsson, Val.
Eiður Rafn Valsson, Fram.
Elmar Erlingsson, ÍBV.
Hans Jörgen Ólafsson, Selfossi.
Hinrik Hugi Heiðarsson, ÍBV.
Kjartan Þór Júlíusson, Fram.
Reynir Þór Stefánsson, Fram.
Sigurður Snær Sigurjónsson, Selfossi.
Skarphéðinn Ívar Einarsson, KA.
Sæþór Atlason, Selfossi.
Þorvaldur Örn Þorvaldsson, Val.
Össur Haraldsson, Haukum.
Þjálfarar:
Heimir Ríkarðsson.
Einar Jónsson.
Handbolti.is mun eftir megni flytja fréttir af gengi piltanna á mótinu.
