Pólska landsliðið verður einn þriggja andstæðinga íslenska landsliðsins í riðlakeppni Evrópumótsins í handknattleik karla í næsta mánuði. Spánverjinn Jesus Javier Fernandez Gonzalez landsliðsþjálfari Póllands svipti í morgun hulunni af leikmannahópnum sem hann hefur valið til þátttöku á mótinu.
Athygli vekur að meðal þeirra sem ekki eru valdir í hópinn er Kamil Syprzak, línumaðurinn öflugi. Syprzak var ósáttur við fyrrverandi landsliðsþjálfara á HM í upphafi þessa árs. Vonir stóðu til að Gonzalez, sem tók við þjálfun landsliðsins eftir HM, gæti grafið stríðsöxina með Syprzak. Svo virðist ekki vera.
Fjórir leikmenn landsliðsins leika með Industria Kielce og tveir með meistaraliðinu Wisła Płock. Sjö leikmenn leika utan heimalandsins.
Ísland og Pólland mætast í annarri umferð riðlakeppninnar í Kristianstad sunnudaginn 18. janúar klukkan 17.
Til stendur að pólska landsliðið mæti serbneska landsliðinu í tveimur vináttuleikjum 10. og 11. janúar.
Pólski EM-hópurinn:
Mikołaj Czapliński, Wybrzeże Gdańsk Handball.
Michał Daszek, Wisła Płock S.A.
Dawid Dawydzik, Wisła Płock S.A.
Maciej Gębala, HC Erlangen.
Tomasz Gębala, Wybrzeże Gdańsk Handball S.A.
Wiktor Jankowski, Vardar Skopje.
Piotr Jarosiewicz, Industria Kielce.
Marcel Jastrzębski, RK Nexe.
Piotr Jędraszczyk, Industria Kielce.
Sebastian Kaczor, USAM Nimes Gard.
Marek Marciniak, Vardar Skopje.
Arkadiusz Moryto, Industria Kielce.
Michał Olejniczak, Industria Kielce.
Ariel Pietrasik, Kadetten Schaffhausen.
Damian Przytuła, RK Zagrzeb.
Paweł Paterek, KS SPR Chrobry Głogów S.A.
Jakub Skrzyniarz, Bidasoa Irun.
Wiktor Tomczak, Wybrzeże Gdańsk Handball S.A.
Miłosz Wałach, Vardar Skopje.
Andrzej Widomski, Eurofarm Pelister.
