Ragnarsmót kvenna í handknattleik á Selfossi verður leitt til lykta í kvöld þegar tveir síðustu leikirnir fara fram í Iðu á Selfossi. Lið Gróttu sækir Selfossliðið heima og verður flautað til leiks klukkan 18. Takist Selfossliðinu að vinna leikinn gæti það náð öðru sæti mótsins.
HK, sem hefur unnið tvo fyrstu leiki sína í mótinu nokkuð örugglega, mætir Aftureldingu klukkan 19.45. Bæði lið eru að búa sig undir þátttöku í Olísdeildinni á næsta keppnistímabili en síðarnefnda liðið verður nýliði í Olísdeildinni.
Áhorfendur eru velkomnir í Iðu til þess að fylgjast með. Góð mæting hefur verið á leiki Selfossliðsins á mótinu. Fyrir þá sem vilja en geta ekki mætt í Iðu í kvöld þá verður hægt að fylgjast með í beinni útsendingu á Selfosstv. Hlekkir á útsendingarnar eru hér fyrir neðan.
18.00 Selfoss – Grótta – https://youtu.be/Fp_uBc8Vsis
19.45 Afturelding – HK – https://youtu.be/0vVmcrOIXZI
Handbolti.is greinir frá úrslitum og markaskorurum leikjanna í kvöld eins og eftir aðra keppnisdaga mótsins.
