Handknattleiksdeild Hauka og Rakel Oddný Guðmundsdóttir hafa framlengt samning sín á milli til næstu þriggja ára. Rakel Oddný, sem er 20 ára kemur úr sterkum 2004 árgangi Hauka sem vann til fjölda verðlauna í yngri flokkum. Rakel Oddný spilaði sem vinstri skytta í yngri flokkum en hefur verið að færa sig yfir í vinstra hornið.
Tekur þátt í HM
Rakel Oddný sem á fjölda af landsleikjum fyrir yngri landslið Íslands er í hóp U20 landsliðsins sem tekur þátt í heimsmeistaramótinu en það hefst í Skopje í Norður Makedóníu í næstu viku.
„Það er mikið fagnaðarefni að Rakel framlengi samning sinn við Hauka og hjálpar liðinu verulega í að halda áfram þeirri uppbyggingu sem hefur átt sér stað á Haukaliðinu síðustu ár,“ segir m.a. í tilkynningu Hauka.
Haukar hafa að undaförnu endurnýjað samninga við leikmenn kvennaliðsins auk þess að tryggja sér krafta Rutar Arnfjörð Jónsdóttur landsliðskonu. Haukar léku við Val til úrslita um Íslandsmeistaratitilinn í vor og höfnuðu auk þess í 3. sæti Olísdeildar.
Konur – helstu félagaskipti 2024
Landsliðið er farið til Skopje – æfingamót og síðan HM
