Vegna þess að Veðurstofa Íslands hefur gefið út rauða viðvörun fyrir stóran hluta landsins hefur Handknattleikssamband Íslands tekið ákvörðun um að fresta öllum þeim leikjum sem fram áttu að fara í kvöld. Þar með töldum fjórum leikjum í 8-liða úrslitum Powerade-bikars kvenna sem stefnt er á að fari fram annað kvöld, fimmtudaginn 6. febrúar.
Frá því morgun hefur viðvörunarstigið verið fært af appelsínugulu upp á rautt. Þar með er öllum ráðlegast að halda sig inni við næstu klukkustundir, lesa handbolta.is eða góða bók og vera ekki á ferðinni utandyra nema í neyðartilfellum.
Á vef Veðurstofunnar segir m.a.: „Sunnan 28-33 m/s og hvassara í vindstrengjum. Talsverð rigning á köflum. Foktjón mjög líklegt og það getur verið hættulegt að vera á ferð utandyra. Ekkert ferðaveður.“
Uppfært – nýr leikdagur!
Powerade-bikar kvenna, 8-liða úrslit,
fimmtudagur 6. febrúar:
Vestmannaeyjar: ÍBV – Valur, kl. 18.
Skógarsel: ÍR – Haukar, kl. 19.30.
Lambhagahöllin: Fram – Stjarnan, kl. 19.30.
Safamýri: Víkingur – Grótta, kl. 20.
Vinsælt lesefni:
