ÍH stökk upp í efsta sæti í 2. deildar karla í handknattleik í kvöld eftir öruggan sigur á Hvíta riddaranum að Varmá í Mosfellsbæ, 35:27. Bæði lið söfnuðu að sér leikmönnum fyrir tímabilið enda stefna þau hátt. Hinsvegar varð ljóst í viðureign liðanna í Mosfellsbæ í kvöld að Hafnfirðingar hafa á að skipa sterkara liði um þessar mundir.
Staðan að loknum fyrri hálfleik var 16:13, Hafnfirðingum í vil. Þeir tróna á toppi deildarinnar með fjögur stig að loknum þremur leikjum eftir að hafa unnið tvær síðustu viðureignir sínar.
Liðsmenn Hvítu riddaranna eru sem stendur í þriðja sæti með tvö stig eftir tvær viðureignir. Annars er keppni í 2. deild rétt hafin. Eins og endranær eru margir til kallaðir en fáir útvaldir þegar á hólminn verður komið. Gömul saga og ný.
Staðan í 2. deild karla.
Mörk Hvíta riddarans: Haraldur Björn Hjörleifsson 12, Ágúst Björgvinsson 5, Daníel Ingi Guðmundsson 2, Hilmar Ásgeirsson 2, Hermann Þór Þórarinsson 2, Daníel Þór Knútsson 1, Aron Eyrbekk Gylfason 1, Davíð Hlíðdal Svansson 1, Elvar Magnússon 1.
Varin skot: Björgvin Franz Björgvinsson 5, Finnbogi Þór Gunnarsson 2.
Mörk ÍH: Ari Magnús Þorgeirsson 8, Arnar Freyr Ársælsson 4, Eyþór Örn Ólafsson 4, Gísli Jörgen Gíslason 4, Logi Aronsson 3, Sigurður Karel Bachmann 3, Veigar Snær Sigurðsson 3, Þórarinn Þórarinsson 2, Ármann Ari Árnason 1, Benedikt Elvar Skarphéðinsson 1, Gísli Hafþór Þórðarson 1, Hlynur Jóhannsson 1.
Varin skot: Viðar Logi Pétursson 9, Júlíus Freyr Bjarnason 8.
