Róbert Árni gengur til liðs við ÍR

Handknattleiksdeild ÍR hefur samið við Róbert Árna Guðmundsson til næstu tveggja ára. Róbert kemur inn í þjálfarateymi meistaraflokks karla og aðstoðar Bjarna Fritzson ásamt Bjarka Stefánssyni. Hann verður einnig þjálfari 3.flokks karla og fyrirhugaðs venslaliðs félagsins sem er í pípunum.

Róbert Árni kemur til ÍR frá Fram þar sem hann hefur þjálfað og spilað sjálfur sem leikmaður alla sína tíð við góðan orðstír.

„Við ÍR-ingar erum glaðir með komu Róberts enda ungur og metnaðarfullur þjálfari. Hann mun því smellpassa inn í okkar framtíðarsýn bæði í meistaraflokki sem og yngri flokkum,“ er haft eftir Björgvin Þór Hólmgeirssyni framkvæmdastjóra handknattleiksdeildar ÍR í tilkynningu.