Róbert Aron verður áfram með Val

Handknattleiksmaðurinn Róbert Aron Hostert og handknattleiksdeild Vals hafa komist að samkomulagi um áframhaldandi samstarf. Nýr samningur gildir til næstu tveggja ára eða út leiktíðina vorið 2026.

Róbert Aron kom til Vals árið 2018 frá ÍBV og hefur átt stóran hlut í velgengni liðsins undanfarin ár. Frá því Róbert Aron kom hefur liðið unnið til tveggja Íslandsmeistaratitla og tveggja bikarmeistaratitila auk ógleymanlegrar þátttöku í Evrópudeildinni á síðasta keppnistímabili.

Auk þess að leika með Val og ÍBV hefur Róbert Aron leikið með Fram auk þess að leika um tíma með Mors‐Thy í dönsku úrvalsdeildinni. Hann glímdi við erfið meiðsli á síðasta tímabili.