Róbert Snær framlengir veruna í Skógarseli

Róbert Snær Örvarsson hefur framlengt samningi sínum við handknattleiksdeild ÍR til ársins 2027. Róbert er uppalinn ÍR-ingur og hefur spilað lykilhlutverk á báðum endum vallarins undanfarin þrjú tímabil. Hann skoraði 70 mörk í 21 leik í vetur í Olísdeildinni.

Róbert Snær var í U21 árs landsliði Íslands sem vann bronsverðlaun á heimsmeistaramótinu 2023.

„Það eru miklar ánægjufréttir að Róbert ætli að taka slaginn áfram á heimaslóðum,“ segir í tilkynningu ÍR.

Fyrirliðinn Sveinn Brynjar Agnarsson framlengdi á dögunum samning sinn við ÍR sem hafnaði í 10. sæti í Olísdeildinni í vetur.