Rúmlega 24 ára landsliðsferli lauk í kvöld

Mihai Popescu, markvörður rúmenska landsliðsins, lék í kvöld sinn síðasta landsleik á ferlinum. Landsliðsferillinn hefur spannað rúm 24 ár.

Popescu er fertugur og lék sinn fyrsta landsleik snemma á öldinni, árið 2001. Þá var hann aðeins 16 ára gamall.

Stórsigur Sviss og Færeyjar þurfa að treysta á sig sjálfar

Rúmenía tapaði 24:23 fyrir Norður-Makedóníu í B-riðli Evrópumótsins í Danmörku kvöld og átti Popescu stórleik í sínum síðasta landsleik.

Hann varði tíu skot og var með tæplega 36% markvörslu. Var hann valinn maður leiksins fyrir frammistöðu sína.

Rúmenía átti ekki möguleika á að komast áfram í milliriðil fyrir leikinn í kvöld og lýkur leik án stiga.