- Auglýsing -
Tuttugasti og fimmti leikmaðurinn er að bætast í íslenska landsliðshópinn í handknattleik. Vísir greinir frá og hefur heimildir fyrir að Bjarni Ófeigur Valdimarsson sé á leið til Búdapest til þess að taka þátt í leiknum við Svartfellinga á morgun.
Bjarni Ófeigur, sem er 23 ára gamall og fyrrverandi leikmaður Vals og FH, er leikmaður Skövde í Svíþjóð. Hann er í 35 manna hópnum sem Guðmundur Þórður Guðmundsson, landsliðsþjálfari, valdi snemma í desember. Hann getur leikið í skyttustöðunni vinstra megin.
Alls eru 11 leikmenn í einangrun af þeim 24 sem eru í landsliðshópi Íslands á Evrópumótinu. Síst birti yfir þeim málum í dag þegar Elliði Snær Viðarsson greindist með smit og einnig Björgvin Páll Gústavsson, markvörður, sem hafði losnað úr sóttkví í gærmorgun.
- Auglýsing -
