Sandra og Auður Ester fengu viðurkenningu í mótslok

Á verðlaunahófi handknattleiksmótsins í Cheb í Tékklandi í dag voru bestu leikmenn hvers liðs útnefndir. Sandra Erlingsdóttir var útnefnd sem besti leikmaður A-landsliðs Íslands og Auður Ester Gestsdóttir hjá B-landsliðinu.

Sandra skoraði 17 mörk á mótinu ásamt að stjórna sóknarleiknum virkilega vel. Auður Ester skoraði 11 úr hægra horninu og eftir hraðaupphlaup ásamt að spila varnarleikinn vel.

A-landslið Íslands hafnaði í öðru sæti á mótinu en B-liðið í þriðja sæti. Landsliðin koma heim á morgun eftir lærdómsríka ferð.