Sandra Erlingsdóttir og liðsfélagar í ÍBV unnu Víkinga, 38:19, í fyrsta leik Ragnarsmóts kvenna í handknattleik í Sethöllinni í Selfossi í kvöld. Eyjaliðið var níu mörkum yfir að loknum fyrri hálfleik, 17:8.
ÍBV-liðið mætti til leiks á Selfossi í kvöld eftir að hafa unnið KB Sendibílamótið á Akureyri á dögunum á sannfærandi hátt. Ljóst var snemma leiks að talsverður munur var á liðunum enda annað skráð til leiks í Olísdeildina en hitt í Grill 66-deildina. Bæði eru hinsvegar í uppbyggingu eftir nokkrar breytingar á leikmannahópum frá síðustu leiktíð.
Sandra lék við hvern sinn fingur og skoraði 12 mörk, nýlega komin heim eftir nokkurra ára atvinnumennsku í Danmörku og Þýskalandi.
Síðar í kvöld eigast við Selfoss og Afturelding í síðari viðureign fyrstu umferðar Ragnarsmótsins. Önnur umferð verður leikin á fimmtudagskvöld.
Mörk Víkings: Auður Brynja Sölvadóttir 4, Andrea Ósk Þorkelsdóttir 3, Hafdís Shizuka Iura 3, Valgerður Elín Snorradóttir 3, Hildur Guðjónsdóttir 2, Arnbjörg Bertha Kristjánsdóttir 1, Helga Lúðvíka Hallgrímsdóttir 1, Sunna Katrín Hreinsdóttir 1.
Varin skot: Þyri Erla L. Sigurðardóttir 4.
Mörk ÍBV: Sandra Erlingsdóttir 12, Alexandra Ósk Viktorsdóttir 8, Ásdís Halla Hjarðar 6, Birna María Unnarsdóttir 4, Amelía Dís Einarsdóttir 2, Birna Berg Haraldsdóttir 2, Britney Emilie Florianne Cots 2, Ásta Björt Júlíusdóttir 1, Birna Dís Sigurðardóttir 1.
Varin skot: Amalie Frøland 12, Ólöf Maren Bjarnadóttir 2.
Leikir Ragnarsmótsins eru sendir út á Handboltapassanum
Næstu leikir:
Fimmtudagur 21. ágúst:
ÍBV – Afturelding, kl. 18.
Selfoss – Víkingur, kl. 20.15.
Föstudagur 22. ágúst:
Víkingur – Afturelding, 20.15.
Laugardagur 23. ágúst:
Selfoss – ÍBV, kl. 15.
