HK vann sannfærandi sigur á Víkingi í þriðja og síðasta leik liðanna á Ragnarsmóti karla í handknattleik í Sethöllinni á Selfossi í kvöld. Lokatölur, 30:24, eftir að þremur mörkum skeikaði á liðunum þegar fyrri hálfleikur var að baki, 14:11, HK í vil.
Takist handbolta.is bærilega upp við samlangninu og frádrátt, stefnir í að ÍBV þurfi að vinna Selfoss með fimm marka mun á morgun til þess að hreppa efst sæti Ragnarmótsins á markatölu. HK hefur fimm stig eftir þrjá leikin en ÍBV þrjú stig. HK og ÍBV skildu jöfn á mánudaginn, 25:25. Markatala HK er jákvæð um það sem nemur sjö mörkum. Eyjamenn eiga þriggja marka forskot í pokahorninu.
Þótt liðin séu enn á undirbúningstímanum og leikur þeirra þar með ekki mótaður að fullu þá sýndu leikmenn HK í síðari hálfleik að munur er á Olísdeildinni og Grill 66-deildinni. Eftir að hafa þremur mörkum yfir þá sýndu HK-ingar tennurnar í síðari hálfleik og náðu mest sjö marka forskoti.
Mörk HK: Ágúst Guðmundsson 7, Styrmir Hugi Sigurðarson 7, Haukur Ingi Hauksson 5, Örn Alexandersson 5, Bjarki Freyr Sindrason 1, Hjörtur Ingi Halldórsson 1, Kristján Pétur Barðason 1, Leó Snær Pétursson 1, Mikael Máni Weisshappel Jónsson 1, Sigurður Jefferson Guarino 1.
Varin skot: Róbert Örn Karlsson 10, Rökkvi Pacheco Steinunnarson 2.
Mörk Víkings: Halldór Ingi Óskarsson 4, Sigurður Páll Matthíasson 4, Stefán Scheving Th. Guðmundsson 4, Benedikt Emil Aðalsteinsson 3, Rytis Kazakevicius 3, Ísak Óli Eggertsson 2, Kristján Helgi Tómasson 2, Ásgeir Snær Vignisson 1, Þorfinnur Máni Björnsson 1.
Varin skot: Stefán Huldar Stefánsson 6, Daði Bergmann Gunnarsson 2.
