„ Við skoruðum reyndar 38 mörk en fengum á okkur 31, þar af 17 í fyrri hálfleik. Það er of mikið og þurftum að breyta um varnarleik í miðjum leik sem við eigum ekki að þurfa gegn liði eins og ÍR sem er ekki með mjög hávaxna sóknarmenn. Það voru ýmis prinsippatriði sem gengu ekki upp framan af,“ sagði Kári Kristján Kristjánsson, hinn þrautreyndi línumaður ÍBV, eftir sjö marka sigur liðsins á ÍR í upphafsleik Olísdeildar karla í handknattleik í Austurbergi í kvöld.
„Heilt á lítið var gott að vinna stigin tvö, sannkallaður iðnaðarsigur, en varnarleikurinn hefði sannarlega mátt vera betri lengst af leiksins,“ sagði Kári Kristján.
„ÍR-ingar komu algjörlega pressulausir inn í leikinn gegn okkur sem við áttum að vinna, enda erum við með afar öflugt lið. En við lentum undir pressu í byrjun og það getur verið þrautinni þyngri að vinna sig úr úr slíkri stöðu þegar tannhjólin fara af stað en við náðum að vinna okkur jafnt og þétt út úr stöðunni og vinna nokkuð sannfærandi sigur. Það skiptir öllu máli þegar upp er staðið;“ sagði Kári Kristján og var þotinn af stað til þess að komast í Herjólf.
