Sara Dögg Hjaltadóttir úr ÍR er í fimmta sinn í úrvalsliði umferðarinnar hjá Handboltahöllinni en sérfræðingar þáttarins völdu að vanda lið umferðinnar í síðasta þætti á mánudag þegar 9. umferð Olísdeildar kvenna var gerð upp. Sara Dögg var auk þess leikmaður umferðarinnar í þriðja sinn á keppnistímabilinu.
Selfoss, sem lagði KA í KA-heimilinu síðasta laugardag á í fyrsta sinn þrjá leikmenn í úrvalsliði umferðarinnar að þessu sinni.
Grétar Áki Andersen þjálfari ÍR er valinn þjálfari umferðarinnar í þriðja sinn. ÍR-ingar unnu Val í 9. umferð og sitja ásamt Val og ÍBV í efstu sætum deildar með 14 stig þegar hlé hefur verið gert á keppni í Olísdeild kvenna fram undir miðjan desember.
Lið 9. umferðar Olísdeildar kvenna:
Hægra horn: Alexandra Ósk Viktorsdóttir, ÍBV, 3*.
Hægri skytta: Mia Kristin Syverud, Selfossi, 2*.
Miðjumaður: Sara Dögg Hjaltadóttir, ÍR, 5*.
Vinstri skytta: Hulda Hrönn Bragadóttir, Selfossi.
Vinsta horn: Ásthildur Jóna Þórhallsdóttir, Val, 3*.
Línumaður: Ásdís Guðmundsdóttir, Fram.
Markvörður: Amalia Frøland, ÍBV, 3*.
Varnarmaður: Emelía Ósk Aðalsteinsdóttir, Selfossi.
Þjálfari umferðarinnar: Grétar Áki Andersen, ÍR, 3*.
(*Hversu oft í liði umferðarinnar)
Leikmaður 8. umferðar: Sara Dögg Hjaltadóttir, ÍR, 3*.
(*Hversu oft í valin leikmaður umferðarinnar)
Sara Dögg er langmarkahæst í Olísdeildinni
Sandra hefur gefið flestar stoðsendingar
