Selfoss vann uppgjör liðanna sem voru stigalaus í Olísdeild kvenna fyrir síðasta leik fimmtu umferðar í Sethöllinni á Selfossi í kvöld, 29:28. Selfyssingar skoruðu tvö síðustu mörk leiksins og fögnuðu skiljanlega vel í leikslok. Ída Bjarklind Magnúsdóttir, sem kom til félagsins frá Víkingi í sumar, gerði sigurmarkið skömmu fyrir leiklok. Selfyssingar eru þar með komnir á blað í Olísdeild kvenna. Stjarnan er áfram stigalaus og fær tíma til 25. október til þess að safna vopnum sínum, en þá fer næsti leikur fram.
Viðureignin í Sethöllinni var hnífjöfn og spennandi frá upphafi til enda. Selfoss var með tveggja marka forskot í hálfleik, 14:12. Liðin skiptust á um vera með yfirhöndina í síðari hálfleik og með smá heppni hefði sigurinn alveg eins geta fallið Sjörnunni í skaut.
Mörk Selfoss: Mia Kristin Syverud 8/1, Harpa Valey Gylfadóttir 4, Ída Bjarklind Magnúsdóttir 4, Hulda Hrönn Bragadóttir 4, Hulda Dís Þrastardóttir 3, Sara Dröfn Rikharðsdóttir 2, Emelía Ósk Aðalsteinsdóttir 2, Arna Kristín Einarsdóttir 2.
Varin skot: Ágústa Tanja Jóhannsdóttir 5/1, 15,2%.
Mörk Stjörnunnar: Aníta Björk Valgeirsdóttir 7/4, Natasja Hammer 6, Inga Maria Roysdottir 6, Eva Björk Davíðsdóttir 3, Guðmunda Auður Guðjónsdóttir 2, Vigdís Arna Hjartardóttir 2, Sara Katrín Gunnarsdóttir 1, Brynja Katrín Benediktsdóttir 1.
Varin skot: Hrafnhildur Anna Þorleifsdóttir 3, 12% – Margrét Einarsdóttir 1, 12,5%.
Tölfræði leiksins hjá HBStatz.
Staðan og næstu leikir í Olísdeildum.
