Kvennalið Selfoss tapaði með sex marka mun, 32:26, fyrir gríska liðinu AEK Aþenu í fyrri viðureign liðanna í 2. umferð Evrópubikarkeppni kvenna í handknattleik í Aþenu í dag. Liðin mætast öðru sinni í Sethöllinni á Selfossi á sunnudaginn eftir viku. Samanlagður sigurvegari leikjanna tveggja tekur sæti í 3. umferð keppninnar.
AEK var fjórum mörkum yfir í hálfleik, 16:12, og var reyndar með yfirhöndina frá upphafi til enda.
Þetta var fyrsti leikur beggja liða í Evrópukeppni.
Mörk Selfoss: Hulda Dís Þrastardóttir 5, Ída Bjarklind Magnúsdóttir 5, Arna Kristín Einarsdóttir 4, Mia Kristin Syverud 3, Eva Lind Tryfingsdóttir 3, Inga Sól Björnsdóttir 2, Hulda Hrönn Bragadóttir 2, Sara Dröfn Ríkharðsdóttir 2, Sara Dröfn Ríkharðsdóttir 1.
Varin skot: Ágústa Tanja Jóhannsdóttir 9, 23% – Sara Xiao Reykdal 1, 33%.
