Síðasti leikur 16-liða úrslita Poweradebikarkeppni HSÍ í kvennaflokki fer fram í kvöld þegar Afturelding tekur á móti ÍR í Myntkaup-höllinni að Varmá klukkan 19.30. Í gærkvöld tryggðu FH, Fram, Grótta, KA/Þór og Víkingur sér sæti í átta liða úrslitum. Haukar og Valur sitja yfir í þessari umferð og senda lið sín til keppni í átta liða úrslitum.
Auk leiksins í Mosfellsbæ mætir 20 ára landslið Íslands í karlaflokki A-landsliði Grænlands í vináttuleik í Safamýri klukkan 19.30. Liðin mætast á ný á laugardag í Víkinni. Enginn aðgangseyrir verður innheimtur af þeim sem vilja sjá leikinn í Safamýri.
Ágúst og Maksim velja æfingahóp fyrir leikina við Grænlendinga
Leikir kvöldsins
Poweradebikar kvenna, 16-liða úrslit:
Myntkaup-höllin: Afturelding – ÍR, kl. 19.30.
Vináttulandsleikur karla:
Safamýri: Ísland U20 – Grænland, kl. 19.30
- Leikir kvöldsins verða sendir út á Handboltapassanum.
- Til viðbótar verður HBStatz með stöðu- og textauppfærslur frá leikjunum eins og öðrum á leiktíðinni. Hægt verður að fylgjast með stöðuuppfærslum HBStatz á forsíðu handbolti.is.
