- Auglýsing -
Birgir Steinn Jónsson og félagar í IK Sävehof hlupu af sér jólasteikina í dag er þeir mættu og unnu VästeråsIrsta HF, 34:31, á heimavelli í sænsku úrvalsdeildinni í handknattleik í dag. Leikurinn var sá fyrsti í leikjatörn í úrvalsdeildum karla og kvenna í Svíþjóð á milli jóla og nýárs. IK Sävehof hafði tveggja marka forskot þegar haldið var til búningsherbergja til skrafs og ráðagerða eftir 30 mínútna leik.
Birgir Steinn skoraði eitt mark úr tveimur markskotum fyrir IK Sävehof. Liðið situr í fjórða sæti úrvalsdeildarinnar með 21 stig að loknum sjö leikjum. Malmö er í þriðja sæti en hefur leikið tveimur leikjum færra.
VästeråsIrsta HF rekur lestina með þrjú stig, þremur stigum á eftir Guif sem er næst neðst með sex stig.
- Auglýsing -
