- Auglýsing -
Arnór Viðarsson og samherjar í HF Karlskrona endurheimtu áttunda sæti sænsku úrvalsdeildarinnar í kvöld með sigri á IF Hallby HK, 30:28, á heimavelli í 17. umferð deildarinnar. Arnór skoraði tvö mörk í fimm skotum og gaf fjórar stoðsendingar. HF Karlskrona er með 17 stig.
Eftir góðan sigur á toppliði Hammarby í fyrrakvöld var Arnari Birki Hálfdánssyni og samherjum í Amo HK kippt niður á jörðina í kvöld er þeir töpuðu fyrir VästeråsIrsta HF í heimsókn til Västerås, 34:32. Arnar Birkir náði sér ekki á strik og skoraði aðeins eitt mark úr sex skotum auk þess að eiga eina stoðsendingu.
Amo-liðið er í 10. sæti af 14 liðum deildarinnar með 16 stig þegar 18 leikir eru að baki.
- Auglýsing -
