- Auglýsing -
Óvíst er með hvaða liði handknattleiksmarkvörðurinn Sigurður Ingiberg Ólafsson leikur á næsta keppnistímabili. Hann er samningsbundinn ÍR næsta árið en mjög ólíklegt er að hann leiki með liðinu sem tekur sæti í Grill66-deildinni eftir fall úr Olísdeildinni á vormánuðum.
Samkvæmt heimildum handbolta.is úr herbúðum ÍR-inga er Sigurður til sölu eða leigu.
Sigurður Ingiberg var leigður til Kríu á síðasta keppnistímabili. Samningurinn tók enda í lok leiktíðar. Óvissa er um hvort hann verður áfram í herbúðum liðsins en Kría öðlaðist sæti í Olísdeildinni á næsta keppnistímabili eftir vasklega framgöngu í umspili um sæti í deildinni. Þar lék Sigurður Ingiberg stórt hlutverk eins og reyndar allt keppnistímabilið frá upphafi.
- Danskur leikmaður fluttur á sjúkrahús
- „Ekki eins og við þurfum einhvern kraftaverkaleik til þess að vinna Dani“
- Þriðji bronsleikur Íslands á EM karla
- „Lögðu líf og sál í þetta á móti frábæru liði“
- Væri draumur að sækja medalíu á þessu móti
- Auglýsing -
