Handknattleiksþjálfarinn Sigursteinn Arndal hefur skrifað undir nýjan þriggja ára samning við handknattleiksdeild FH. Sigursteinn tók við FH liðinu fyrir sex árum af Halldóri Jóhanni Sigfússyni. Undir stjórn Sigursteins varð FH Íslands- og deildarmeistari árið 2024 og deildarmeistari í vor.
„Sigursteinn Arndal hefur náð góðum árangri með liðið og ég er spenntur að vinna áfram með honum að uppbyggingu liðsins. Markmiðið er skýrt, við ætlum að halda áfram að berjast um alla þá titla sem í boði eru,“ er haft eftir Ágústi Bjarna Garðarssyni formanni handknattleiksdeildar FH í tilkynningu í dag.
Hér fyrir neðan er viðtal við Sigurstein sem tekið var fyrir helgi þar sem hann fer aðeins fyrir stöðuna á FH-liðinu. FH mætir Fram í fyrstu umferð Olísdeildar á fimmtudagskvöld í Kaplakrika kl. 19.
