Portúgalska landsliðið sem íslenska landsliðið leikur við á sunnudaginn í undankeppni Evrópumóts kvenna tapaði með sjö marka mun fyrir Svartfellingum í hinum leik fjórða riðils undankeppninnar í dag, 29:22. Leikið var í Podgorica í Svartfjallalandi. Landslið Svartfellinga er talið vera það sterkasta í riðlinum.
Staðan var 17:11 þegar fyrri hálfleikur var að baki. Sú forysta sem Svartfellinga náðu í síðari hálfleik héldu þeir til leiksloka, meira og minna.
Durdina Jaukovic var markahæst hjá Svartfellingum með átta mörk Dijana Trivic var næst með sex mörk.
Carmen Filipa Claudino Figueiredo var atkvæðamest hjá portúgalska liðinu með sex mörk. Luciana Resende Rebolo var næst með fjögur mörk.
Viðureign Íslands og Portúgal fer fram á sunnudaginn í úthverfi Porto og hefst klukkan 16. RÚV verður með beina útsendingu frá leiknum.
Vinsælt lesefni:
