Ekkert lát er á sigurgöngu Söndru Erlingsdóttur og samherja í EH Aalborg í dönsku 1. deildinni í handknattleik. Í dag vann liðið sinn sjöunda sigur í deildinni á keppnistímabilinu þegar það kjöldró leikmenn Rødovre HK á heimavelli, 33:22 voru lokatölur leiksins. EH Aalborg var fimm mörkum yfir að loknum fyrri hálfleik, 17:12.
Eins og tölurnar gefa til kynna þá voru yfirburðir Söndru og félaga algjörir frá upphafi til enda. Sandra skoraði fjögur mörk, þar af eitt úr vítakasti.
EH Aalborg hefur þar með 14 stig í efsta sæti eftir sjö umferðir. Hadsten Håndbold, sem Hrafnhildur Ósk Skúladóttir lék með fyrir meira en áratug, er í öðru sæti með 12 stig, einnig eftir sjö leiki. Ringköbing og Roskilde er þar á eftir með níu stig hvort eftir sex leiki.
Staðan í deildinni.
