Talið er að í uppsiglingu sé ein jafnasta og um leið skemmtilegasta keppni sem fram hefur farið í Olísdeild kvenna á seinni árum. Liðin átta koma einstaklega vel undir mótið búin. Þau hafa öll styrkst verulega, meðal annars vegna þess að sjö sterkar handknattleikskonur fluttu heim í sumar og skiptust nokkuð á milli félaga. Þær eiga án efa eftir að setja sterkan svip á Olísdeildina.
Í upphafsleikjunum tveimur í kvöld fær Stjarnan nýliða FH í heimsókn í TM-höllina klukkan 17.45 og þremur stundarfjórðungum síðar mætast Fram og HK í Framhúsinu.
Deildar- og bikarmeistarar og ríkjandi Íslandsmeistarar frá 2019, Fram, fá væntanlega öfluga samkeppni fyrir vikið eins og t.d. sást í leik Fram og KA/Þórs í Meistarakeppni HSÍ á sunnudaginn þar sem KA/Þór kom mörgum skemmtilega á óvart. Liðið fékk m.a. hina þrautreyndu handboltakonu Rut Jónsdóttur til liðs við sig en hún hefur í 12 ár leikið með mörgum sterkustu félagsliðum Danmerkur.
Hér er nöfn þeirra handknattleikskvenna sem fluttu heim í sumar:
Birna Berg Haraldsdóttir til ÍBV frá Neckarsulmer.
Eva Björk Davíðsdóttir til Stjörnunnar frá Skuru.
Rut Arnfjörð Jónsdóttir fór til KA/Þórs frá Esbjerg.
Mariam Eradze til Vals frá Toulon.
Helena Rut Örvarsdóttir til Stjörnunnar frá SönderjyskE.
Hrafnhildur Hanna Þrastardóttir til ÍBV frá frá Bourg-de-Péage Drôme Handball.
Olísdeild kvenna, 1. umferð:
Föstudagur kl. 17.45 Stjarnan – FH – TM-höllin
Föstudagur kl. 18.30 Fram – HK – Framhúsið
Laugardagur kl. 13.30 Valur – Haukar – Origo-höllin
Laugardagur kl. 16.00 ÍBV – KA/Þór – Vestmannaeyjar
