- Auglýsing -
Stiven Tobar Valencia var markahæstur þegar lið hans SL Benfica heimsótti ABC Braga og vann sterkan sigur, 35:30, í portúgölsku úrvalsdeildinni í dag.
Stiven skoraði sjö mörk en það gerði einn liðsfélagi hans einnig og sömuleiðis tveir í liði Braga.
Benfica er í öðru sæti deildarinnar með 55 stig eftir 21 leik en Orri Freyr Þorkelsson og liðsfélagar hans í Sporting Lissabon er á toppnum með 57 stig og á auk þess tvo leiki til góða.
Porto er þá í þriðja sæti með 51 stig og á einnig tvo leiki til góða á Benfica. Porto, sem Þorsteinn Leó Gunnarsson leikur með, átti að spila gegn Marítimo í dag en leiknum var frestað.
- Auglýsing -
