Stiven Tobar Valencia og félagar í fögnuðu sínum fyrsta sigri í portúgölsku 1. deildinni í handknattleik í dag þegar þeir lögðu Madeira SAD, 31:24, í annarri umferð deildarinnar. Dagurinn var tekinn snemma í heimsókn Benfica-liðsins til Madeira sem er eyja nokkuð frá meginlandi Portúgal.
Stiven Tobar skoraði tvö mörk í leiknum en lið hans hafði yfirhöndina frá upphafi til enda leiksins. Forskot Lissabon-liðsins var fimm mörk þegar fyrri hálfleikur var að baki, 15:10.
Þorsteinn Leó Gunnarsson verður í eldlínunni í kvöld þegar Porto fær leikmenn Vítoria í heimsókn. Porto vann fyrsta leik sinn í deildinni á dögunum og skoraði Þorsteinn Leó fjögur mörk í fyrsta leik sínum fyrir félagið í portúgölsku 1. deildinni.
Sjá einnig: 20 marka sigur hjá Þorsteini Leó og félögum
