Stiven Tobar Valencia og liðsfélagar í Benfica féllu í úr leik með minnsta mun í útsláttarkeppni Evrópudeildarinnar í handknattleik í dag eftir tvo leiki við danska liðið GOG. Benfica tapaði á Fjóni í dag með þriggja marki mun, 34:31, eftir að hafa unnið á heimavelli fyrir viku með tveggja marka mun, 33:31.
GOG fer þar með áfram í átta liða úrslit Evrópudeildarinnar og mætir Flensburg sem sat yfir í útsláttarkeppninni.
Stiven Tobar skoraði eitt mark fyrir Benfica að þessu sinni. Benfica liðið var síst lakara í 50 mínútur í leiknum og var síðast yfir, 28:27, þegar 10 mínútur voru til leiksloka. Danirnir voru ákafari á síðustu mínútunum vel studdir í Arena Svendborg. Hér má sjá síðustu sekúndur leiksins þegar GOG skoraði markið sem kom liðinu áfram.
Franska liðið Limoges komst einnig áfram í dag eftir átta marka sigur á HC Kriens-Luzern frá Sviss, 36:28. Svissneska liðið vann fyrri leikinn með sjö marka mun. Limoges leikur við THW Kiel í átta liða úrslitum.
Síðar í kvöld mætast MT Melsungen og Gummersbach annarsvegar og Toulouse og Porto hinsvegar í útsláttarkeppninni.
