Tryggvi Þórisson og liðsfélagar í norska meistaraliðinu Elverum eru í vænlegri stöðu eftir 10 marka sigur á Bathco Bm. Torrelavega, 38:28, á heimavelli í fyrri viðureign liðanna í forkeppni Evrópudeildarinnar í dag. Svipaða sögu er að segja af IK Sävehof sem Birgir Steinn Jónsson leikur með. IK Sävehof vann í Malmö í dag með níu marka mun, 33:24.
Úlfar Páll Monsi Þórðarson skoraði 10 mörk og var markahæstur hjá RK Alakaloid sem tapað með 10 marka mun fyrir Hannover-Burgdorf í Þýskalandi, 37:27.
Monsi skoraði mörkin 10 í 16 skotum en þetta var hans fyrsti mótsleikur fyrir RK Alakloid eftir að hafa flutt sig frá Val í sumar.
Heiðmar Felixson er aðstoðarþjálfari Hannover-Burgdorf sem stendur vel að vígi fyrir síðari viðureignina í Skopje eftir viku.
Birgir, Svavar og Sigurður
Birgir Steinn skoraði tvö mörk fyrir IK Sävehof í Malmö. Hann hefur hitt fyrir kunnuglega andlit í dómarabúningunum því Svavar Ólafur Pétursson og Sigurður Hjörtur Þrastarson héldu uppi röð og reglu í viðureigninni.
Tryggvi og Kristján
Tryggvi var fastur fyrir í vörn Elverum í sigurleiknum á Bathco Bm. Torrelavega í Terningen Arena. Hann skoraði eitt mark.
Kristján Halldórsson var eftirlitsmaður EHF á viðureigninni.
