Framarar unnu stórsigur á Þór, 34:20, í síðasta leik 13. umferðar Olísdeildar karla í handknattleik í kvöld. Leikið var í Íþróttahöllinni á Akureyri en það hafði lítið að segja fyrir Þórsara að þessu sinni. Þeir voru undir nánast frá fyrstu mínútu til þeirra síðustu. Fram var fimm mörkum yfir í hálfleik, 16:11.
Með sigrinum komst Fram upp í sjöunda sæti Olísdeildar með 12 stig og ýtti Stjörnunni niður í áttunda sætið. Garðbæingar hafa 10 stig en þeir töpuðu fyrir ÍBV í gær, 29:22.
Þór er næst neðstur í deildinni með sjö stig, tveimur stigum fyrir ofan ÍR sem rekur lestina. HK er stigi fyrir ofan Þór og Selfoss er með níu stig, einu stigi á eftir Stjörnunni.
Framarar voru mun öflugri frá upphafi leiksins í dag. Þeir gerðu hins vegar ekki alveg út um leikinn fyrr en í síðari hálfleik þegar þeir voru með töluverða yfirburði.
Eiður Rafn Valsson var atkvæðamestur hjá Fram-liðinu sem lék án Rúnars Kárasonar sem er meiddur. Þorsteinn Gauti Hjálmarsson var hins vegar með á nýjan leik eftir að hafa jafnað sig eftir nefbrot í leik fyrir nokkrum vikum.
Mörk Þórs: Hafþór Már Vignisson 4, Kári Kristján Kristjánsson 4, Brynjar Hólm Grétarsson 3, Halldór Kristinn Harðarson 3, Þórður Tandri Ágústsson 3, Guðmundur Hlífar Jóhannesson 1, Arnór Þorri Þorsteinsson 1, Jón Ólafur Þorsteinsson 1.
Varin skot: Nikola Radovanovic 7, Patrekur Guðni Þorbergsson 4.
Mörk Fram: Eiður Rafn Valsson 8, Max Emil Stenlund 5, Dánjal Ragnarsson 4, Þorsteinn Gauti Hjálmarsson 3, Erlendur Guðmundsson 3, Ívar Logi Styrmisson 3, Arnar Snær Magnússon 2, Theodór Sigurðsson 2, Viktor Sigurðsson 1, Tindur Ingólfsson 1, Dagur Fannar Möller 1, Kristófer Tómas Gíslason 1.
Varin skot: Breki Hrafn Árnason 11, Arnór Máni Daðason 2.
Tölfræði leiksins.
Staðan og næstu leikur í Olísdeildum.
