Dagur Sigurðsson landsliðsþjálfari Króata í handknattleik hóf undirbúning og æfingar með liði sínu á öðru degi jóla þótt nokkra leikmenn hafi vantað vegna leikja í þýsku 1. deildinni á milli hátíðanna. Mikið er undir hjá króatíska landsliðinu sem leikur á heimavelli allt mótið nema ef það leikur til úrslita þá verður það að leggja land undir fót og halda til Noregs.
Gangi allt að óskum hjá íslenska og krótíska landsliðinu í riðlakeppni HM mætast þau í milliriðlakeppninni í Zagreb 22. til 26. janúar.
Krótar unnu stórsigur á Ítalíu í vináttuleik, 36:20, í Porec á sunnudaginn var. Porec verður vettvangur C-riðils HM og forsetabikarsins. Ítalía eru einnig að búa sig undir þátttöku á HM og það í annað sinn í sögunni eftir að hafa slegið Svartfellinga óvænt úr í umspilsleikjum í maí.
Líkt og Króatar þá voru Ítalir ekki með sitt allra öflugasta lið í leiknum í Porec. Riccardo Trillini landsliðsþjálfari var án sjö leikmanna sem teljast til þeirra traustustu úr hópi ítalskra handknattleikmanna um þessar mundir.
Króatar höfðu talsverða yfirburði í leiknum í Porece eins og loktölurnar gefa til kynna, 36:20. Staðan var 15:10 þegar fyrri hálfleikur var að baki en áður höfðu liðsmenn Dags náð átta marka forskoti, 14:6.
Fyrsti leikur Króata á HM verður gegn Barein en landsliðsþjálfari Bareina er Aron Kristjánsson.
Undirbúningshópurinn
Í gær valdi Dagur 22 leikmenn til þess að taka þátt í undirbúningi landsliðsins næstu daga. Hann fækkaði í hópnum um fjóra frá þeim hóp sem valinn var fyrir jól.
DOMINIK KUZMANOVIĆ – VfL GUMMERSBACH.
IVAN PEŠIĆ – HBC NANTES.
MATIJA ŠPIKIĆ – ThSV EISENACH.
DAVID MANDIĆ – MT MELSUNGEN.
MARIN JELINIĆ – OTP BANK – PICK SZEGED.
ZVONIMIR SRNA – RK ZAGREB
TIN LUČIN – RK NEXE.
MARKO MAMIĆ – SC DHfK LEIPZIG.
DOMAGOJ DUVNJAK – THW KIEL.
LUKA CINDRIĆ – MKB VESZPREM KC.
IVANO PAVLOVIĆ – RK ZAGREB.
IVAN MARTINOVIĆ – RHEIN-NECKAR LÖWEN.
LUKA LOVRE KLARICA – RK ZAGREB.
MATEO MARAŠ – TATABANYA KC.
MARIO ŠOŠTARIĆ – OTP BANK – PICK SZEGED.
FILIP GLAVAŠ – RK ZAGREB.
VERON NAČINOVIĆ – HB MONTPELLIER.
MARIN ŠIPIĆ – HC KRIENS – LUZERN.
JOSIP ŠIMIĆ – Vfl POTSDAM.
NIKOLA GRAHOVAC – MKB VESZPREM KC.
LEON ŠUŠNJA – ORLEN WISLA PLOCK.
DIANO NERIS ĆEŠKO – RK IZVIĐAČ.
