- Auglýsing -
Sylvía Sigríður Jónsdóttir hefur framlengt samning sinn við handknattleiksdeild ÍR til ársins 2027. Hún er uppalin í félaginu og hefur verið í vaxandi hlutverki undanfarin ár þrátt fyrir ungan aldur.
Sylvía Sigríður skoraði 75 mörk í 21 leik í Olís-deildinni í vetur og lét til sín taka á báðum endum vallarins. ÍR komst í fyrsta sinn í undanúrslit úrslitakeppni Olísdeildar kvenna í vor.
Sylvía Sigríður var í U20 ára landsliðinu á heimsmeistaramótinu í Skopje í Norður Makedóníu á síðasta ári en íslenska liðið hafnaði í sjöunda sæti.
„Það er okkur ÍR-ingum afar ánægjulegt að Sylvía muni spila áfram á heimaslóðum og við hlökkum til að sjá hana í eldlínunni með meistaraflokki kvenna næstu árin,” segir í tilkynningu ÍR í dag.
Vinsælt lesefni:
- Auglýsing -
